(મારું આ કાવ્ય ઉત્તર ગુજરાતનાં દૈનિક અખબાર “રખેવાળ” માં પ્રકાશિત થઈ ચૂકેલ છે.)
શિયાળો
હવા થઈ ભારે ને થીજી ગયો શિયાળો
શીતળ લહેરીએ લહેરાઈ ગયો શિયાળો
પહોં ફાટતાં પંખીના કલરવે ગાયો શિયાળો
હુંફાળી સેજમાંથી આળસ મરડી ઊઠયો શિયાળો
ઊંચા ઓટલે, કૂણાં તડકે બેઠયો શિયાળો
હાંફી ને હુંફાળી ચાદરમાં લપટાયો શિયાળો
ગુલાબી સાંજે નવોઢા જેમ શરમાયો શિયાળો
ઘુંઘટો તાંણ્યો રાતે, જગ, જળ, વાયુ ને થંભી ગયો શિયાળો
તાંપણે તપ્યો તોય હાડે ધ્રુજતો ઠૂંઠવાયો શિયાળો
કડે-ધડે તંદુરસ્તી નું ભાંથું બાંધી ગયો શિયાળો
– પ્રવિણ કે.શ્રીમાળી
(મારું આ કાવ્ય ઉત્તર ગુજરાતનાં દૈનિક અખબાર “રખેવાળ” માં પ્રકાશિત થઈ ચૂકેલ છે.)
Like this:
One blogger likes this post.
પ્રવિણ શ્રીમાળી
કલમપ્રસાદી
આપની આ રચના અજય મહેતાના બ્લૉગ પર કૉપી-પેસ્ટ કરીને મૂકવામાં આવી છે. ન તો તમારું નામ લખ્યું છે. ન તો તમારા બ્લૉગની લિન્ક આપવામાં આવી છે!
By: વિનય ખત્રી on February 18, 2010
at 12:57 am
પ્રવિણભાઈ, સરસ કાવ્ય છે. મેં પણ એક ઘસડી માર્યું હતું: http://rutmandal.info/swaranjali/2010/02/05/shiyalo-2/
By: Chirag on February 11, 2010
at 7:31 am
શિયાળા આબેહુબ વર્ણન કરી બતાવ્યુ પ્રવિણભાઈ..
પહોં ફાટતાં પંખીના કલરવે ગાયો શિયાળો
હુંફાળી સેજમાંથી આળસ મરડી ઊઠયો શિયાળો
સરસ શિયાળામય કવન..અભિનંદન રખેવાળ માટે
સપના
By: sapana on January 20, 2010
at 2:58 am
શિયાળાની ગુલાબી ઠંડી અને કોઈ વખત દાઢ કકડાવતી,
આની હુબહૂ મજા તમારા કાવ્યમાં છલકી છે.
ઊંચા ઓટલે, કૂણાં તડકે બેઠયો શિયાળો
હાંફી ને હુંફાળી ચાદરમાં લપટાયો શિયાળો
મજાનું પ્રાસંગિક કવન.અભિનંદન
રમેશ પટેલ(આકાશદીપ)
By: RAMESH Patel on January 19, 2010
at 6:39 am
શિયાળાની લાક્ષણિકતાઓ સરસ રીતે કાવ્યમાં મૂકી છે.
By: પંચમ શુક્લ on January 17, 2010
at 11:09 pm